کاربن ڈائی آکسائیڈ کو کارآمد کیمیکل میں تبدیل کرنے کا منصوبہ

40 ہزار ٹن کاربن ڈائی آکسائیڈ کو کشید کرنا 20 ہزار گاڑیوں کو سڑکوں سے ہٹانے کے مترادف، منصوبے کے تحت کاربن ڈائی آکسائیڈ کو سوڈیم بائی کاربونیٹ میں تبدیل کیا جائے گا، برطانیہ کو 2050ء تک کاربن ڈائی آکسائیڈ کے صفر اخراج کے ہدف کو حاصل کرنے میں مدد ملے گی۔
لندن: (ٹیکنالوجی ڈیسک) برطانیہ نے کاربن ڈائی آکسائیڈ کشید کرنے کے سب سے بڑے منصوبے پر کام شروع کر دیا ہے۔ اس منصوبے کے تحت 40 ہزار ٹن کاربن ڈائی آکسائیڈ کو سوڈیم بائی کاربونیٹ میں تبدیل کیا جائے گا۔ اتنی مقدار میں کاربن ڈائی آکسائیڈ کو کشید کرنے کا مطلب 20 ہزار گاڑیوں کو سڑکوں سے ہٹانے کے مترادف ہو گا۔
واضح رہے کہ سوڈیم بائی کاربونیٹ نہایت کارآمد کیمیکل ہے۔ سوڈیم بائی کاربونیٹ کو غذائی اور طبی اغراض سے بیکنگ سوڈا اور ڈائلیسز مشین اور فارماسوٹیکل ادویات کے طور پر استعمال کیا جا سکے گا۔ دوسری جانب اس منصوبے کے ذریعے برطانیہ کو 2050ء تک کاربن ڈائی آکسائیڈ کے صفر اخراج کے ہدف کو حاصل کرنے میں مدد ملے گی۔
کاربن ڈائی آکسائیڈ فیسیلیٹی میں موجود میتھین گیس سے چلنے والے پاور پلانٹ کو چمنیوں سے کشید کیا جائے گا، صاف کرنے سے قبل اس کو ٹھنڈا اور مائع شکل میں ڈھالا جائے گا۔ اس پلانٹ پر 2 کروڑ پاؤنڈز کی لاگت آئی ہے جس میں سے 40 لاکھ پاؤنڈز برطانوی حکومت نے دیئے ہیں۔