معین علی نے کرکٹ کو خیر باد کہہ دیا

ایشیز سیریز 2024ء، معین علی سلیکٹرز کو ایک نظر نہ بھائے، 37 سالہ معین علی نے ون ڈے اور ٹی 20 سے ریٹائرمنٹ لے لی ہے۔

لندن: (اسپورٹس ڈیسک) انگلش کرکٹر معین علی نے تمام فارمیٹ کی انٹرنیشنل کرکٹ سے ریٹائرمنٹ کا اعلان کر دیا ہے۔ میڈیا رپورٹس کے مطابق انگلش کرکٹر معین علی نے آسٹریلیا کیخلاف سیریز میں شامل نہ کیے جانے پر انٹرنیشنل کرکٹ سے ریٹائرمنٹ کا اعلان کر دیا ہے۔ سابق کرکٹر نے برطانوی جریدے سے خصوصی گفتگو کرتے ہوئے کہا کہ 37 سال کا ہو چکا ہوں، یہ ریٹائرمنٹ کا وقت ہے۔

ذرائع کے مطابق آسٹریلیا کے خلاف سیریز کیلئے انہیں منتخب نہیں کیا گیا۔ انہوں نے کہا کہ میں نے انگلینڈ کیلئے بہت کرکٹ کھیل لی ہے لیکن اب نئی نسل کو موقع دینا ہے ہے۔ میں نے محسوس کیا کہ یہ ریٹائرمنٹ لینے کا مناسب وقت ہے۔ 

انہوں نے مزید کہا کہ مجھے انگلینڈ کی جانب سے کھیلنے پر ہمیشہ فخر رہا ہے۔ معین علی ٹیسٹ کرکٹ سے پہلے ہی ریٹائر ہوچکے ہیں جبکہ تمام فارمیٹس کی انٹرنیشنل کرکٹ سے آج ریٹائرمنٹ کا اعلان کر دیا ہے۔ واضح رہے کہ معین علی نے انگلینڈ کیلئے 68 ٹیسٹ، 138 ون ڈے اور 92 ٹی 20 انٹرنیشنل میچز کھیلے ہیں۔