ایف بی آر ٹیکس وصولیوں کا ہدف پورا کرنے میں ایک بار پھر ناکام

سال 30 جون تک ایف بی آر کو 7 ہزار 604 ارب روپے کے ٹیکس اکٹھا کرنے ہیں۔ رواں مالی سال کا ہدف پورا کرنے کیلئے جون میں 964 ارب روپے اکٹھا کرنے ہیں۔

کراچی: (نیوز ڈیسک) فیڈرل بورڈ آف ریونیو (ایف بی آر) رواں مالی سال کے پہلے 11 ماہ میں ٹیکس وصولیوں کا ہدف پورا کرنے میں پھر ناکام ہوگیا۔ تفصیلات کے مطابق جولائی سے مئی تک ٹیکس وصولیوں کا ہدف 6 ہزار 640 ارب روپے تھا لیکن  جولائی سے مئی تک 6 ہزار 200 ارب روپے اکٹھے ہو سکے۔

رواں سال 30 جون تک ایف بی آر کو 7 ہزار 604 ارب روپے کے ٹیکس اکٹھا کرنے ہیں جب کہ رواں مالی سال کا ہدف پورا کرنے کیلئے جون میں 964 ارب روپے اکٹھا کرنے ہیں۔ بی آر کے مطابق فیڈرل بورڈ آف ریونیو نے مئی میں 572 ارب روپے کےخالص محصولات اور ڈومیسٹک انکم ٹیکس کی مد میں 205 ارب روپےجمع کیے جو مئی 2023 کے مقابلہ میں 57 فیصد زیادہ ہیں۔

جولائی سے مئی تک ایف بی آر کو ٹیکس وصولیوں میں 440 ارب روپے کے شارٹ فال کا سامنا رہا، مئی کے مہینے میں ٹیکس وصولیوں کا ہدف 621 ارب روپے تھا تاہم ایف بی آر مئی کے مہینے میں567 ارب روپے اکٹھے کر سکا جس کے پیش نظر ایف بی آر کو مئی کے مہینے میں ٹیکس وصولیوں میں 54 ارب روپے کی کمی کا سامنا رہا۔