مقامی اور بین الاقوامی مارکیٹ میں سونا سستا

فی اونس سونے کی قیمت میں 3 ڈالر کی کمی، مقامی مارکیٹ میں فی تولہ سونے کی نئی قیمت 2 لاکھ 15 ہزار 700 روپے، مقامی مارکیٹ میں 10 گرام سونا 1 سو 29 روپے سستا ہوگیا ہے۔

کراچی: (اکانومی ڈیسک) بین الاقوامی اور مقامی مارکیٹ میں سونے کی قیمت گر گئی ہے۔ بین الاقوامی بلین مارکیٹ میں سونے کی فی اونس قیمت میں 3 ڈالر کی کمی ہوئی ہے۔ حالیہ کمی کے بعد سونے کی نئی عالمی قیمت 2 ہزار 13 ڈالر کی سطح پر آ گئی ہے۔

مقامی صرافہ مارکیٹ میں بھی سونے کی قیمت کم ہوئی ہے۔ مقامی مارکیٹ میں فی تولہ سونے کی قیمت میں 150 روپے کی معمولی کمی آئی ہے۔ مقامی مارکیٹ میں فی تولہ سونے کی نئی قیمت 2 لاکھ 15 ہزار 700 روپے ہو گئی ہے۔

اسی طرح فی 10 گرام سونے کی قیمت میں بھی 129 روپے کی کمی ہوئی۔ 10 گرام سونا ایک لاکھ 84 ہزار 928 روپے کا ہو گیا۔ دوسری جانب مقامی مارکیٹ میں فی تولہ چاندی کی قیمت بغیر کسی رد و بدل کے 2550 روپے پر مستحکم ہے۔