پیٹرولیم مصنوعات کی قیمتوں میں ردوبدل سے متعلق حکومت نے حکمت عملی تیار کر لی

پیٹرولیم مصنوعات کی قیمتوں میں ردوبدل سے متعلق حکومت نے نیا طریقہ اپنانے کا فیصلہ کیا، حکومت نے اس سلسلے میں پیٹرولیم ڈیلرز ایسوسی ایشن اور اسٹیک ہولڈز سے مشاورت کیلئے خط بھی لکھ دیا۔

اسلام آباد: (قومی ڈیسک) وفاقی حکومت نے پیٹرولیم مصنوعات کی قیمتیں 15 روز کے بجائے 7 روز  بعد تبدیل کرنےکا پلان تیار کر لیا ہے۔ اس سلسلے میں پیٹرولیم ڈیلرز ایسوسی ایشن اور اسٹیک ہولڈز سے مشاورت کیلئےخط جاری کیا گیا ہے، حکومت نے نئے پلان کیلئے اسٹیک ہولڈز سے 5 روز میں تجاوز بھی طلب کی ہیں۔ جبکہ آل پاکستان پیٹرولیم ڈیلرز ایسوسی ایشن نے 7 روز بعد کے پلان کو مسترد کر دیا ہے۔

چیئرمین پیٹرولیم ڈیلرز ایسوسی ایشن عبدالسمیع خان کا کہنا ہے کہ ہر ہفتے پیٹرولیم مصنوعات کی قیمتوں کا تعین نہیں کیا جاسکتا، ہم نے15 روز کے بجائے 30 روز پر قیمت کے تعین کی تجویز دی تھی۔ ان کامزید کہنا تھا کہ ہر ہفتے پیٹرولیم مصنوعات کی قیمت کے تعین سے پٹرول پمپس تباہ ہوجائیں گے، حکومت ایسے کوئی فیصلے نہ کر ے جس سے مسائل جنم لیں۔