مولی کا جوس پینے کے فوائد
مولی کے جوس کیلشیم اور پوٹاشیم سے بھرپور، مولی کا جوس خون میں شوگر لیول کو کنٹرول کرنے کیلئے مددگار، جسم کے درجۂ حرارت کو کم اور جسم میں بخار کا سبب بننے والی اندرونی سوزش کا خاتمہ کرتا ہے۔
اسلام آباد: (ویب ڈیسک) مولی ایک بہترین اینٹی آکسیڈنٹ ہے جو جسم میں سے زہریلے مادے خارج کرنے میں اہم کردار ادا کرتی ہے۔ مولی کا جوس پینے بہت سے فائدے حاصل ہوتے ہیں۔ مولی کا رس آپ کو نہ صرف ذيابیطس کے خطرے سے بچا سکتا ہے بلکہ اس کا استعمال ذيابیطس کے مریضوں کے شوگر لیول کو کم کرنے کا بھی سبب بن سکتا ہے۔
ماہرین کا کہنا ہے کہ مولی کے جوس میں ایسے اجزاء موجود ہوتے ہیں جو ایڈيوپونکٹن نامی خامرے کے افراز میں مدد دیتے ہیں۔ مولی کا جوس خون میں شوگر لیول کو کنٹرول کرنے میں اہم کردار ادا کرتا ہے۔ مولی کے جوس کا استعمال جگر کی صفائی میں بہت اہم کردار ادا کرتا ہے یہ زہریلے مادوں کو خارج کر کے جگر کی صحت کو بحال کرتا ہے۔
مولی کا رس جگر کی صحت کو بہتر بناتا ہیں۔ مولی کے جوس کیلشیم اور پوٹاشیم سے بھرپور ہوتا ہے جو کہ بلڈ پریشر کو کنٹرول کرتا ہے اور اس کو بڑھنے سے روکتا ہے۔ تیز بخار میں مولی کے جوس کا استعمال بہت مفید ثابت ہوتا ہے یہ جسم کے درجۂ حرارت کو کم کر کے جسم میں بخار کا سبب بننے والی اندرونی سوزش کا خاتمہ کرتا ہے۔