ایلومینیئم پگھلانے والی نئی ماحول دوست ٹیکنالوجی

الائسز ٹیکنالوجی کو کیوبیک میں ریو ٹِنٹوز آرویڈا میں نصب کیا جائے گا، اس ٹیکنالوجی کا مقصد گرین ہاؤس گیسز کو ختم کرنا ہے، اس منصوبے میں مجموعی طور پر 28 کروڑ 50 کروڑ ڈالر کی سرمایہ کاری کی جائے گی۔
اوٹاوا: (ٹیکنالوجی ڈیسک) تفصیلات کے مطابق ایک برٹش آسٹریلوی کان کن کمپنی ایلومینیئم پگھلانے کیلئے نئی ٹیکنالوجی متعارف کرانے جا رہی ہے۔ الائسز نامی ایلومینیئم پگھلانے والی یہ ٹیکنالوجی کاربن سے پاک اور ماحول دوست ہے۔ اس ٹیکنالوجی کا مقصد ایلومینیئم پگھلانے کے روایتی طریقوں کو بدلنا، تمام براہ راست گرین ہاؤس گیسز کو ختم کرنا اور آکسجین پیدا کرنا ہے۔
اس ٹیکنالوجی کو کیوبیک میں ریو ٹِنٹوز آرویڈا میں نصب کیا جائے گا۔ کمپنی اسمیلٹر میں 10 بڑے پوٹ والا ایک ڈیمانسٹریشن پلانٹ بنائے گی جو 100 کلو ایمپئر پر کام کرے گا۔ کمپنی کے مطابق اس منصوبے پر مجموعی طور پر 28 کروڑ 50 کروڑ ڈالر کی سرمایہ کاری کی جائے گی۔
اس منصوبے میں ریو ٹنٹو اور کیوبک حکومت کا 17 کروڑ 90 لاکھ ڈالرز اور 10 کروڑ 60 لاکھ ڈالر بالترتیب حصہ ہو گا۔ کمپنی کا کہنا تھا کہ ریو ٹِنٹو میں لیا جانے والے یہ آزمائشی قدم الائسز ٹیکنالوجی کی مکمل صنعت کاری کیلئے اہم ہو گا۔ واضح رہے ایلومینیئم طویل عرصہ سے اپنی مضبوطی، ہلکے وزن اور نا ختم ہونے والے قابلِ تجدید امکانات کی وجہ سے پائیدار اشیاء بنانے کیلئے استعمال کیا جا رہا ہے۔