پنیر بوٹی کے استعمال سے صحت پر حیرت انگیز فوائد

ذائقے میں کڑوی مگر صحت پر مثبت اثرات مرتب کرنے والی جڑی بوٹیوں میں سے ایک اہم جڑی بوٹی، جڑی بوٹیوں کے ماہرین کے مطابق پنیر بوٹی کو استعمال کرنے سے صحت پر بے شمار فوائد حاصل کیے جا سکتے ہیں۔ 

اسلام آباد: ذائقے میں کڑوی پنیر بوٹی صحت پر بے شمار اثرات مرتب کرنے والی جڑی بوٹیوں میں سے ایک اہم  جڑی بوٹی شمار کی جاتی ہے جس کے استعمال سے انسانی جسم میں طاقتور اینٹی آکسیڈینٹ برقرار رہتے ہیں جو لاتعداد بیماریوں کی بہترین میڈیسن تیار کرتے ہیں۔ روزانہ کی بنیادوں پر اگر پنیر بوٹی کو استعمال کیا جائے تو بہت سی بیماریوں سے چھٹکارا حاصل کیا جا سکتا ہے۔ پنیر بوٹی کی افادیت اور صحت پر بے شمار فوائد حاصل ہونے پر ماہرین جڑی بوٹیوں کی طرف سے اسے' تخم حیات' کا نام دیا گیا ہے۔ پنیر بوٹی کو پنیر ڈوڈی کے نام سے بھی پکارا جاتا ہے، مناسب قیمت میں پنسار کی دکان سے با آسانی سے حاصل کی جا سکتی ہے جو کہ وزن میں کمی، پیٹ کی صفائی، شوگر کا کنٹرول، رنگ صاف کرنے، جوڑوں اور جسم کے درد میں انتہائی مفید ہے۔

سائنس بھی پنیر بوٹی کے استعمال سے صحت پر حاصل ہونے والے اثرات کو تسلیم کر چکی ہے۔ شوگر کے مریضوں کیلٸے یہ جڑی بوٹی انتہائی مفید ثابت ہوتی ہے، یہ انسولین کی قدرتی افزائش میں نمایاں کردار ادا کرتی ہے اور معدے کو تندرست و فٹ رکھتی ہے۔ تیزابیت، پیٹ کے درد اور بدہضمی کا خاتمہ کرتی ہے، جلدی امراض یعنی مہاسے، کیل، ایکنی اور چھائیاں دور کرتی ہے، ہیپاٹائٹس کے علاج اور اس سے بچاؤ کیلٸے مفید ثابت ہوتی ہے، وزن میں کمی اور بلڈ کولیسٹرول کو متوازن رکھنے میں مدد فراہم کرتی ہے۔ طبی ماہرین کے مطابق اگر جڑی بوٹیوں کو پیس کر کیپسول کی صورت میں استعمال کیا جائے تو اس کے بے شمار فوائد ملتے ہیں۔

12 دانے پنیر بوٹی کے ایک گلاس میں بھگو دیں اور گلاس کو رات بھر کیلئے ڈھانپ کر چھوڑ دیں۔ صبح نہار منہ پنیر بوٹی کے پانی کو نتھار کر پی لیں، اسے کم از کم 3 ماہ تک بہترین نتائج حاصل کرنے کیلئے جاری رکھیں۔ ماہرین جڑی بوٹیوں کے مطابق پنیر بوٹی صحت پر بے شمار فوائد کی حامل ہے مگر ہر کسی کیلئے اس کا استعمال ایک جیسا نہیں ہوتا۔ ماہرین کی جانب سے کھانسی سے متاثرہ افراد، نمونیا کے شکار افراد، سینے میں انفیکشن کی شکایت، زکام اور نزلہ رکھنے والے افراد کیلٸے ممنوع قرار دیا جاتا ہے۔